Кыргыз Республикасынын Министрлер Кабинетинин Төрагасы Улукбек Марипов Баткен облусуна жумушчу сапарынын алкагында кыргыз-тажик мамлекеттик чек арасындагы жаңжалдын кесепетинен каза болгондордун үй-бүлөсү үчүн курулуп жаткан 36 турак-жайдын курулушу менен таанышты.

Бул максатта Баткен шаарынын Чет-Булак кварталында 5 га жер тилкеси бөлүнгөн.

Белгилегендей, мында 6 сотук жер тилкеси бар 4 бөлмөлүү үйлөр курулат. Алар тийиштүү техника жана эмерек менен камсыздалат, ошондой эле борбордук коммуникацияларды өткөрүү пландаштырылууда. 

«Курулуп жаткан үйлөр жаңы жашоонун башаты болсун», - деди Улукбек Марипов. 

Белгилей кетсек, турак-жайлардын курулушу 80% бүтүрүлгөн, аларды үстүбүздөгү жылдын 31-августунда пайдаланууга берүү пландалууда. Мындан тышкары аталган шаарчанын аймагында балдар бакчасын куруу да каралууда.

Булак: NazarNews.kg