Улуу Памирдеги Вахан кыргыздары бардык мал-жүгү менен Афганистандан көчүп, Тажикстанга ооп келишсе, аларды кайра кайтарып, айдап ийишкени жалпы элибиздин намысына тийип, маанайбызды бузду. Министр Руслан Казакбаев акыркы эки аптадан бери COVIDге чалдыгып, Баку шаарынан келе албай, бул маселени да колдон чыгарып ийиптир.

Эмнеси болсо да афгандык кандаштарды мекенибизге көчүрүп келип, кучак жайып тосуп алалы. Атамбаев убагында алардан ооп келгендерди жакшы жайгаштыра алган жокпуз. Атайын интеграция программаларды иштеп чыгып, кенен каражат бөлүп, мал-жанын көбөйткөнгө да, ар кандай илдеттерден дарылаганга, сабаттуулугун жоюп, элге кошулганга шарт түзүү - жалпы мамлекеттин милдети!

Булак: Азия News гезити