Сузакта бейбаштык кылган деп айыпталып жүргөндөр кармалды

Журналист: ЖАҢЫЛ СТАЛКЕРИМОВА

28.02.2023, 19:37

13760

кылмыш жана кырсык

Сузак милициясы бейбаштыкка айыпталып издөөдө жүргөн дагы 2 жаранды кармады. Бул тууралуу Жалал-Абад ОИИБдин Басма сөз кызматы билдирди.

Сузак РИИБдин тергөө кызматы тарабынан Кыргыз Республикасынын Кылмыш-жаза кодексинин 280-беренеси (Бейбаштык) менен козголгон кылмыш иши боюнча айыпталган Сузак районунун 6 тургунуна карата Сузак райондук сотунун камакка алуу токтому чыгарылган жана аларга карата милиция тарабынан издөө жарыяланган.

Бул кылмыш иши боюнча 2023-жылдын 4-февралында Сузак районунун тургуну 1994-ж.т. Т.А. кармалып, Сузак РИИБдин убактылуу кармоочу жайына бир айга киргизилген. Андан сырткары аталган кылмыш иши боюнча издөөдө жүргөн дагы 4 айыпталуучу кармалган.

Ал эми 28-февраль күнү Сузак РИИБдин кылмыш иликтөө бөлүмчөсүнүн кызматкерлери тарабынан ушул эле кылмыш иши менен издөөдө жүргөн дагы 2 айыпталуучу, Сузак районунун тургундары 1985-ж.т. С.Ы. жана 1994-ж.т. С.у А. кармалып, Сузак РИИБдин убактылуу кармоочу жайына киргизилген.

Учурда тергөө амалдары улантылып жатат.