Свердлов округунда кайрадан шайлоо өтөбү?

Журналист: ЖАҢЫЛ СТАЛКЕРИМОВА

10.03.2022, 17:12

24693

саясат

Шайлообек Атазов №29 Свердлов шайлоо округу боюнча Жогорку Кеңештин депутаты болушу мүмкүн. Бул тууралуу АКИpress агенттигине БШКнын мүчөсү Абдыжапар Бекматов билдирди.

9-марттын кечинде Борбордук шайлоо комиссиясы Свердлов округу боюнча Жогорку Кеңештин депутаттыгына талапкер Абдурахманхажи Муртазалиевди каттоону жокко чыгарды. Ал округ боюнча эң көп добушка ээ болгон.

Бекматовдун айтымында, Муртазалиев Шайлоо жана референдум өткөрүү боюнча борбордук комиссиянын чечимине каршы даттанууга ниеттенүүдө. «Эми биз соттун чечимине карайбыз. Биздин чечим күчүндө кала турган болсо, мандатты Шайлообек Атазов алат.

Бирок башка талапкерлер боюнча укук коргоо органдары карап жаткан арыздар бар экенин эске алышыбыз керек. Эгерде каттоосу жокко чыгарылган талапкерлерге берилген добуштардын саны жана УШКнын саны үчтөн бирден ашса, биз кайра шайлоо өткөрөбүз», - деди ал.

Булак: NazarNews.kg