Тамчыга өкмөт башчылары “тама баштады”
Коом  |   |  274

Орусиянын премьер-министри, 2008-жылдан 2012-жылга чейинки президенти Дмитрий Медведев Евразия Экономикалык Биримдигинин (ЕАЭБ) өкмөт аралык кеңешине катышуу үчүн Чолпон-Ата шаарына келди. Медведев 9-августта Кыргызстандын президенти Сооронбай Жээнбеков менен жолугаарын билдирди.

ЕАЭБдин өкмөт аралык кеңешинин жыйыны 9-августта Чолпон-Ата шаарында өтөт. Ага биримдиктин курамындагы өлкөлөрдүн премьер-министрлери катышат.

Медведевден мурун Казакстандын жана Беларустун өкмөт башчылары Аскар Мамин менен Сергей Румас келишкен. Премьерлерди Тамчы айылындагы “Ысык-Көл” эл аралык аэропортунан Кыргызстандын вице-премьер-министри Замирбек Аскаров тосуп алды.

Азизбек КЕЛДИБЕКОВ, «NazarNews.kg»

Поделитесь с друзьями