Кол салууга кабылган тез жардам кызматынын дарыгери дарылануусун улантууда. Бул тууралуу Тез жардам борборунан билдиришти.

Анын ден соолугунун абалы канааттандырарлык.

Эскерте кетсек, окуя 30-июнь күнү түшкү саат бирлер чамасында болгон. Борбор калаанын тургуну баласынын ичип ооруп, «Тез жардам» чакырган. Текшерүүдөн кийин, тез жардам кызматынын дарыгери баланы ооруканага жаткырууга негиз жоктугун, абалы туруктуу экенин айтышкан.

Бирок баланын апасы дарыгерди сөгүп, сабап салган. Дарыгер эсин жоготуп, мээси чайкалып, боюнан түшүп калуу коркунучу менен нейротравматология бөлүмүнө жеткирилген.