Түркиядагы кыйраган үйлөрдүн көбү азыркы бийлик учурунда курулган. Статистика:

Журналист: НУРМАТ ТУРГУНАЛИЕВ

11.02.2023, 17:45

21443

Учурда келип түшкөн статистикага караганда, талкаланып калган көп кабаттуу үйлөрдүн 50-60%ы 2001-жылдан кийин салынган, б.а. Түркиянын учурдагы бийлигинин доорунда элге берилген.

Ошол себептүү архитектор Мехмет Яшар Коскун Черногорияга учууга аракет кылып жатканда Стамбул аэропортунда кармалган. Өлкөгө чыгууга тыюу салууну шаардын башкы прокуратурасы койгон. Учурда анын бир тууганы, курулуш компаниясынын тең кожоюну жана инженер изделүүдө.

Имарат 11 жыл мурун курулган жана жер титирөөгө туруштук бериши керек болчу. Тергөөнүн версиясы боюнча, курулуш учурунда нормалар бузулган.

Жалпысынан жер титирөөдөн кийин 170ке жакын юрист кыйраган турак жайларды куруучулардын үстүнөн сотко кайрылып, алардын өлкөдөн чыгуусуна тыюу салууну талап кылышкан.

Эскерте кетсек, Түркия менен Сирия чектешкен аймакта 6-февралда жер эки жолу катуу силкинип, күчү 7,5-7,8 баллга жеткен. Андан бери 1,5 миңден ашык жер титирөө катталды.

Табигый кырсыктын кесепетинен 24 миңге жакын адам каза болуп, жүз миңдеген адамдар жабыр тартты. Ал эми кыйраган имараттардын саны миңдеп саналат.

Булак: NazarNews.kg