Украина Евробиримдиктин бир катар өлкөлөрүнө электр энергиясын экспорттойт жана Германияга жеткирүүгө даяр. Бул тууралуу Украинанын премьер-министри Денис Шмыгал билдирди.

«Украина учурда электр энергиясын Молдова, Румыния, Словакия жана Польшага экспорттойт. Бирок биз Германияны экспортко кошууга албетте даярбыз», - деди премьер-министр.

Шмигал белгилегендей, Украина атомдук станциялардын күчүн колдонуу менен чоң көлөмдө электр энергиясын өндүрө алат.

Анын айтымында, ал бул маселени Берлинге, андан кийин Брюсселге болгон сапарында көтөрөрүн айткан.

«Украина Евробиримдикке жүк ташуунун көлөмүн көбөйтүүнү каалайт, анткени бул эки тарапка тең пайдалуу болот. Евробиримдик энергия алат, биз тез арада керектүү валютаны алабыз», - деп кошумчалады Шмигал.

Эскерте кетсек, Украинанын премьер-министри Денис Шмигал Евробиримдикти орусиялык жарандарга туристтик жана студенттик визаларды берүүгө тыюу салууга чакырган.

Булак: NazarNews.kg