www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Украина аскердик абал учурунда Орусиянын 16 жаштан 60 жашка чейинки эркек жарандарына өлкөгө кирүүгө тыюу салды. Бул тууралуу президент Петро Порошенко билдирди. Анын 30-ноябрда “Твиттерге” жазганына караганда, бул чектөө украин жергесинде жеке “жалданма аскерлерди” түзүүнү токтотуу максатында киргизилди.
Украинада аскердик абал 25-ноябрда Керч кысыгында Украина менен Орусиянын кемелеринин ортосундагы жаңжал чыгып, Украинанын үч кемеси жана 24 деңиз аскери кармалгандан кийин киргизилген.
Алар 29-ноябрда Москванын "Лефортово" түрмөсүнө жеткирилди.
Деңиздеги окуяны Киев “агрессия”, ал эми Москва “чагым” деп баалаган. Кремлдин көз карашында аскерлер чек араны бузуп киргенден кийин кармалган.
Москва Украинанын чыгышындагы 2014-жылдан бери 10 300 адамдын өмүрүн алган урушта өкмөткө каршы чыккан орусиячыл жикчилдерди колдоп келе жатат.
Булак: "Азаттык"
< Предыдущий
Следующий >
Последние новости
