Улуттук банк кечээ, 10-январда, валюта рыногуна 104 миллион 250 миң доллар сатты. Бул каржынын айланышын жөнгө салуу тарыхындагы рекорддук көлөм. Буга чейин эң ири интервенция өткөн жылдын аягында катталган болчу. Тактап айтканда, өткөн жылдын аягында, 20-декабрда, 87,5 миллион доллар интервенция жасалган.

Ал эми Улуттук банк өткөн жылы жалпы 486,5 миллиондон кем эмес доллар саткан. Ошондой эле, 190,7 миллионго жакын доллар сатып алган. Быйыл жыл башында эле эң ири көлөмдө долларды накталай рынокко чыгарды.

Булак: NazarNews.kg