Kia Sorento үлгүсүндөгү унаанын катышуусундагы кырсыктан жабыркагандардын абалы салыштырмалуу канааттандырарлык. Бул тууралуу тез жардам кызматы билдирди.

Эки кыз ооруканага жаткырылды — алардын бири айдоочу (2004-жылы туулган), экинчиси (2003-жылы туулган) жүргүнчү болгон.

«Алардын мээси чайкалып, ар кандай сыныктар бар. Бүгүн экспертиза жасайбыз. Орточо оордуктун абалы салыштырмалуу канааттандырарлык деп айтууга болот», - дешти тез жардам кызматынан.

Эскерте кетсек, 21-январда Kia Sorento унаасы жарнак конструкциясынын таянычын сүзгөн. Натыйжада унаа экиге бөлүнүп калган. Салондо төрт жүргүнчү болгон - үч кыз жана бир жигит. 2000-жылы туулган жигит жана кыз каза болгон.

Булак: NazarNews.kg