Коомдук ишмер, укукчу, ишкер Ахунбай Кошоев: 10-июнда Ош аламаты башталганына 13 жыл толот, бирок эмгиче ал окуялар толук иликтенип чыга элек. 2010-жылдын 7-апрелинде болгон төңкөрүштүн себептери дагы толук иликтене элек. Эки окуя бир-бири менен терең байланышкан. Менин оюмча, Ош менен Жалал-Абаддагы кыргынга 3 себеп алып келген: 7-апрелде бийликке келген Убактылуу өкмөттүн жөндөмсүздүгү, түштүктө жашаган өзбек азчылыгынын жетекчилеринин сепаратизми жана үчүнчү күчтүн кыянат аракеттери...