«Кыргызгаз» компаниясы 1999-жылы «Кыргызматрезервден» 20 миң тонна буудай алган, 2005-жылы анын 6 миң тоннасын кайтаралы дегенде, «Кыргызматрезерв» өзү коррупциялык схема түзө коюп, ошол 6 миң тоннаны жеп кеткен, орто жолдон 4 адамдын үйлөрүн күрөгө коюп, ал үйлөр да сатылып кеткен. Жабырлангандардын бири – Жогорку кеңештин мурдагы депутаты Бакыт Бекбоев. «Кыргызматрезерв» менен «Кыргызгаздын» ошол кездеги жетекчилери Гапыров жана Чудинов, аларга жардамдашкан Кожахметов менен Ажибековго кылмыш иштери козголгон, бирок убакыт созулуп баратат жана 2-3 жылдан кийин иштер кыскарып кетиши мүмкүн, мамлекетке болсо 1,5 млрд сом зыян тийген...