Саясат таануучу Бакытбек Жумагулов: Дүйнөдөгү акыркы окуяларга – былтыр январда Казакстанда болгон башаламандыкка, андан кийин февралда Украинада башталган согушка дагы – коронавирус пандемиясы жана аны менен байланышкан күчтүү инфляция менен башка экономикалык маселелер катуу таасирин тийгизди. Кыргызстанда болсо жаңы Конституция кабыл алынып, президенттик башкаруу орноду, бирок президенттик башкаруу деген – башка бийлик бутактарынын баары бир президентке баш ийип калат дегенди түшүндүрбөйт, ошондуктан азыркы бийлик алдында чоң милдеттер турат, анткени өлкө дагы деле изденүү жолунда...