Белгилүү журналист жана коомдук ишмер Эсенбай Нурушев: 7-апрелди мен майрам катары кабыл ала албайм – 2010-жылы бул күнү Ак үй алдындагы аянтта токсонго жакын адам окко учкан, жараат алып, кийин каза тапкандарды кошкондо, баардыгы болуп, өлгөндөрдүн саны 150гө жетип калды. XVIII кылымдагы Улуу француз революциясы, же 1917-жылдагы Улуу октябрь революциясы учурунда курман болгондордун саны мындан алда канча аз, ошондуктан, 7-апрелге аза күтүү күнү катары мамиле кылса болот. Жалпысынан алганда болсо, Кыргызстандагы 3 революция тең чыныгы максатына жеткен жок, демократия же жыргалчылыкка эмгиче жете элекпиз...