Кечээ күнү «Кыргызалтындын» жетекчилиги толугу менен алмашылды. Анын башына – мындан үч эле ай мурда «Кыргыкөмүрдү» жетектөөгө дайындалган адам келди. Бирок алтынды башкарууга ал даярдалган, анткени эки жарым апта мурда аффинаж заводунун директорунун орун басарлыгына дайындалган. Мунун баары – бийлик үчүн көмүр же алтын казуу – баары бир экенин көрсөтөт.

«Кыргызалтын» мурда – шайлоодон тартып, чет өлкөгө дүкөнгө барып келүүгө чейин кеткен каражатты таап берген бийликтин «кошелёгу» болгон. Жаңы дайындоолор боюнча буйрукту Мамлекеттик мүлктү башкаруу фонду чыгарганы да кызык, анткени «Кыргызалтын» – 100 пайызга мамлекетке таандык акционердик коом.

Эгер ал жөн эле мамлекеттик ишкана болгондо, анын иши өкмөт үчүн ачык болмок, бирок акционердик коомдун эрежелери башка. Мисалга, «Бешинчи канал» дагы – 100 пайызга мамлекетке таандык акционердик коом, бирок анын өзүнүн жетекчилиги – бир кезде каналдын бюджетинен 80 млн сом кайда чыгырылып кеткенин эмгиче таба албайт.