Елена Айыжы жетектеген Тува мамлекеттик университетинин илимпоздор тобу Кыргызстанга келип кетти – алар Ош облусуна барып, Алай өрөөнүндө илимий изилдөөлөрүн жүргүзүп, Оштон Тувага учуп кетти. Эми алар бир нече илимий макала, же макалалар топтомун даярдап-жарыялайт, мүмкүн, биз биргелешип, чогуу да эмгек жаратабыз. Тува университетинде өтө турган эки илимий конференцияга чакыруу алдым, ошондуктан кызматташуубуз уланат. Тувалыктар ичинде «монгуш» деген уруу бар, бизде дагы «мунгуштар» бар, менин оюмча, юэчжи менен усундар жана аздар – кыргыздардын ата-бабалары болгон...