Мурдагы омбудсмен, адам укуктарын коргоочу, азыр «Консолидация жана диалог үчүн кыймылынын (КДКнын)» төрагасы Турсунбек Акун: Бийлик менен коом ортосунда диалог уюштуруу максатында биздин кыймыл кечээ күнү декабрдан берки алтынчы жыйын – улуттук конгресс – өткөрдүк. Ага ар башка коомдук уюмдардын жана региондордон келген өкүлдөр, бийлик тараптан – Коопсуздук кеңешинин катчысы Марат Иманкулов да катышты. Кемпир-Абад маселеси менен байланыштуу октябрда камакка алынган 27 коомдук активисттин он үчү андан бери үй камагына чыгарылды, башкаларынын дагы баш коргоо чарасын жеңилдетүү аракеттерин көрүп жатабыз. Бирок ырайымсыздык уланууда, мисалга, «Акнет» компаниясынын президенти Кубан Ажимудинов 3 жылдан бери  камакта, ал ортодо депутат Адахан Мадумаровго каршы дагы кылмыш иши козголду...