Мурдагы омбудсмен, «Консолидация жана диалог үчүн кыймылынын» (КДК) төрагасы Турсунбек Акун: Октябрда камакка алынып, ал активисттердин айрымдары эмгиче абакта отурганын – саясий куугунтук деп эсептеш керек жана мындай кадамга барган тергөөчү-прокурор-соттор кийин жазаланууга тийиш. Кармалгандардын үчтөн бири жакында үй камагына чыгарылды, бирок баарына мурда бирдей күнөө коюлган – эмне үчүн бирдей күнөө коюлгандардын бири үй камагында, экинчиси абакта отуруш керек? Бир кезде «демократия аралы» деп аталган Кыргызстан октябрда мыйзам чегинен чыгып кетти жана бул мыйзамсыздык уланган сайын, эл аралык аброюн улам жоготууда