“Калктын аярлуу катмарларына тезинен жардам берүү керек”, - деди NazarNews маалымат агенттигине Жогорку Кеңештин депутаты Айнура Осмонова.

--“Азыр жетекчилер калктын аярлуу катмарына тезинен жардам берип, чараларды кѳрүү керек. Учурда азык-түлүктөргө баалардын көтөрүлүүсү элдин жашоосуна терс таасирин тийгизүүдө. Өзгөчө калктын аярлуу катмарына. Дүйнөлүк Банктын маалыматы боюнча, Кыргызстанда 3 миллион 200 миң адам аярлуу катмарга кирет. Ошол себептен кыргыз өкмөтү башка өлкөлөрдөй эле калктын бул катмарына тезинен жардам көрсөтүүсү зарыл. Пландуу иш-чараларды иштеп чыгып, жумуш шарттары кескин начарлап кеткендердин эсебин чыгаруу керек. Ата-энеси иштебей калгандарды, жалгыз бой аялдарды, кары адамдардын саны эсептеп чыгып, ошого жараша иштерди алып барылуусу кажет”, - дейт депутат.

Булак: NazarNews.kg