Кыргыз-Орус өнүктүрүү фондунун төрагасы Артём Новиковго Куралдуу күчтөрдүн улук лейтенанты наамы берилди. Бул тууралуу видеону Новиков социалдык тармактагы баракчасына жүктөдү.

Маалыматка ылайык, Новиковго бул наам Баткен облусундагы кырдаалды жөнгө салууда, ошондой эле укук коргоо органдарын жана мамлекеттик органдарды координациялоодо, министрликтин түзүмдөрүнө, бөлүмдөрүнө жана мекемелерине ар тараптуу жардам көрсөтүүдө кошкон салымы үчүн берилген.

Эске салсак, Тажикстан тараптын кол салуусунан улам Баткен облусунда жаралган кырдаалда Артём Новиков атайын түзүлгөн жумушчу топту жетектеген.

Булак: NazarNews.kg