Кечээ, 8-май күнү кыргыз-тажик чек арасында ок атышуу орун алып, анда кыргыз аскерлеринен 3 киши, 2 жай тургун жаракат алганы айтылган. Социалдык тармактарда жаракат алган аскердин видеосу жарыяланды.

Бүгүн, 9-майда NazarNews маалымат агенттигине Кыргыз Республикасынын Мамлекеттик чек ара кызматынын жалпыга маалымдоо каражаттары жана коомчулук менен байланыш түзүү бөлүмү чек арадагы кырдаал жөнүндө төмөндөгүдөй маалымат берди:

"Кыргыз Республикасынын Мамлекеттик чек ара кызматынын жалпыга маалымдоо каражаттары жана коомчулук менен байланыш түзүү бөлүмү 2020-жылдын 9-майы саат 08:30 кыргыз-тажик мамлекеттик чек ара аймагындагы Чек жерлигиндеги кырдаал салыштырмалуу туруктуу мүнөздөлгөндүгүн  маалымдайт. Түн тынч өттү, эки тараптан тең чыр-чатак чыккан аймактагы кошумча күчтөрү жайгашкан жерлерине алынды. 
Баткен облусуна Кыргыз Республикасынын Мамлекеттик чек ара кызматынын төрагасы полковник Уларбек Шаршеев жөнөп кетти", -деп айтылат билдирүүдө.

Булак: NazarNews.org