Британиянын премьер-министри Борис Джонсон парламентарий Дэвид Эмесске кол салуу Британияга катуу сокку болду дейт. «Менин оюмча, биздин ар бирибиз болгон окуяга абдан таң калдык. Биз анын үй-бүлөсү, аялы жана балдарына аябай тынсызданып жатабыз», - деди ал Sky News'ке.

Премьер-министр Эмесстин Эссекс элинин жана Улуу Британиянын жыргалчылыгы үчүн 40 жылдан ашык кызмат кылганын жана саясаттагы эң боорукер адамдардын бири экенин баса белгиледи.

Эске салсак, Sky News кабарлагандай, Эссекс, Саутенд Весттин өкүлү Эмесске жума күнү Ли-Сиендеги Белфарес методист чиркөөсүндө кол салуу болгон: бир киши округдун кабылдамасына кирип, депутатка бир нече жолу бычак сайган.

Булак: NazarNews.kg