2012-жылы Кытайдын Коммунисттик партиясынын 18-съезди өткөндөн бери кытай дипломатиясы глобалдык башкарууга болуп көрбөгөндөй күч менен катышып, эл аралык коомчулук тарабынан кеңири таанылып, колдоого алынды, - деп билдирди тышкы иштер министринин орун басары Ма Чжаосюй. Бул туурлалуу маалыматты NazarNews'ка Кытайдын CCTV-plus агенттиги билдирди.

«Кытай БУУнун Коопсуздук Кеңешинин туруктуу мүчөсү катары өзүнүн милдеттерин жана миссияларын ак ниеттүүлүк менен аткарып, БУУнун тынчтык орнотуу операцияларына катышуу үчүн жалпысынан 50 000ден ашык адамды жөнөттү жана БУУ жана тынчтыкты сактоо боюнча экинчи ири каржы булагы болуп калды.

Украина кризиси, Корей жарым аралынын өзөктүк маселеси, Ирандын өзөктүк келишими жана Ооганстандагы кырдаал сыяктуу ысык проблемаларда Кытай ар дайым тынчтык сүйлөшүүлөрүн алдыга жылдырууну талап кылып, талаш-тартыштарды тынчтык жолу менен чечүүнү жактап келет. Ошондой эле өлкө лобалдык тынчтыкты жана коопсуздукту илгерилетүү менен глобалдык коопсуздук демилгелерин көтөрдү, алар 70тен ашык мамлекеттин жактыруусуна жана колдоосуна ээ болду», - деди Ма Чжаосюй.

Анын айтымында, Кытай БУУнун миң жылдыктын өнүктүрүү максаттарын жана БУУнун 2030-жылга чейин Туруктуу өнүгүү күн тартибин ишке ашырууда лидерликти колго алып, көп жылдар бою глобалдык жакырчылыкты кыскартууга 70%дан ашыгын жана дүйнөлүк экономикалык өсүштүн 30%дан ашыгына салым кошкон.

«Кытай Климат боюнча Париж келишимин кылдаттык менен ишке ашырып, көмүртектин чокусуна жана көмүртектин нейтралдуулугуна жетишүү максатын, ошондой эле, климат маселесин биргелешип чечүүдө негизги ролду ойногон улуттук деңгээлде белгиленген салымы боюнча жаңы чараларды жарыялады. Биз БУУнун Биологиялык ар түрдүүлүк боюнча Конвенциясынын Тараптарынын Конференциясынын 15-жыйынын өткөрдүк, Куньмин биоартүрдүүлүк фондун түзүүнү каржыладык жана глобалдык экологиялык цивилизацияны башкарууда активисттер катары өзүбүздү бекем алып жүрдүк», - деди Тышкы иштер министринин орун басары.

Булак: NazarNews.kg