Кургакчылык Кытайдагы кээ бир дарыяларды, анын ичинде Янцзы дарыясынын айрым бөлүктөрүн кургатып, ГЭСке таасирин тийгизип, жүк ташууну токтотуп, ири компанияларды ишин токтотууга мажбур кылды. Бул тууралуу The Guardian жазды.

19-августта Кытайдын калк жыш жайгашкан түштүк-батышында узакка созулган жана катуу аптап сентябрь айына чейин уланат деп болжолдонгон кургакчылык боюнча жалпы улуттук эскертүү берилди. Кытайдын эбегейсиз чоң ГЭСине суунун агымын жоготуу Сычуань провинциясында "олуттуу кырдаалды" жаратты, ал энергиянын 80%дан ашыгын гидроэнергетикадан алат.

21-августта провинциянын өкмөтү кырдаал "өзгөчө олуттуу кооптуу" экенин, Сычуандын гидроэлектростанцияларына суунун агымы эки эсеге кыскарганын билдирди. Ошол эле учурда бул жайда электр энергиясына болгон суроо-талап 25% өстү.

Белгилей кетсек, Янцзы 400 миллиондон ашык кытайды ичүүчү суу менен камсыз кылган дүйнөдөгү үчүнчү чоң дарыя жана Кытайдын экономикасы үчүн эң маанилүү суу жолу. Бул глобалдык жеткирүү чынжыр үчүн да маанилүү, бирок суунун деңгээли ушул жайда рекорддук деңгээлге жетти.

Кытайдын жапа чеккен аймактарынын бийликтери суу жана электр энергиясы менен камсыздоого шашып жатышат, анткени чөлкөм күрүч жана соя сыяктуу сууну көп талап кылган түшүм жыйноо мезгили жакындап калды.

Жекшемби күнү бийлик дарыянын төмөнкү деңгээлин толуктоо үчүн суу сактагычтардан 980 миллион кубометр сууну агызды.

Булак: NazarNews.kg