"Кечээ шайлоодо мыйзам бузгандарга карата чара көрүлөт", - деди бүгүн, 12-июлда NazarNews маалымат агенттигине БШКнын төрайымынын орун басары Нурлан Койчукеев. 

--“Кечээ, 11-июлда өткөн шайлоодо мыйзам бузган партиялардын сөзсүз жоопкерчиликтери каралат. Азыр алдын-ала жыйынтык чыкты. Бирок толук чыкты деп айтуудан алысмын. Баарыбызга белгилүү болгондой айрымдары мыйзам бузуп, добуш сатып алгандары катталды. Негизи ар бир шайлоодо эле мындай көрүнүштөр көп болот. Буга эл дагы, партиялар дагы жол бербеши керек эле.

Дагы бир жагдай азыркы шайлоого катышкандардын саны абдан көп болуптур. Азыркы күндө ар бирин дыкаат каралып жатат. Ал эми бул шайлоону жокко чыгат дегенден алысмын”, - дейт Койчукеев.

Булак: NazarNews.kg