ВИДЕО - Үлпөт тоюна чоң казанга отуруп келген түгөйлөр

Журналист: МЭЭРИМАЙ АЛЫБЕКОВА

22.10.2021, 16:38

20802

дүйнө жүзүндө

Индиянын Керала штатында сүйүшкөндөр суу ташкынына карабастан баш кошту. Бул тууралуу Russia Today телеканалы билдирет.

So this couple from Alappuzha district in Kerala used a large cooking vessel to wade through the flood water to get to their wedding venue. Even the wedding venue was flooded, but fortunately they managed to get married without missing the muhurtham time :) pic.twitter.com/mqldzgKIkd
— Shilpa (@Shilpa1308) October 18, 2021

Түгөйлөр той боло турчу жайга барган жолдорду суу каптагандыктан, экөө тамак бышырган чоң казанга отуруп алып барган. Социалдык тармакта тараган видеодо жаштарга суудан сүзүп өтүүгө салтанаттын коноктору жардам бергенин көрүүгө болот.

Маалым болгоной, болочок жубайлар Алаппужа шаарында медицина тармагында иштейт. Алар журналисттерге баш кошуу үчүн атайын эмгек өргүү алгандыктан салтанатты кийинкиге жылдыргысы келбегенин айтып берген. Күйөө бала башка транспорт таппай койгонун жана айрым жерлерди суу каптап кеткенине карабастан, иш-чараны өткөрүүгө макул болгон чиркөөнүн администрациясына ыраазычылык билдирген.

«Бул биз кыялданбаган үлпөт тойго айланып кетти», — деген колукту. Өткөн дем алыш күндөрү нөшөрлөгөн жамгыр Керала штатында сел менен жер көчкүгө алып келип, кеминде 22 адам каза болгон. Куткаруу иштерин армия жана флот жүргүзгөн.

Булак: NazarNews.kg