Бишкек шаарынын тургундары сууну үнөмдүү колдонушпайт, бакчаларын таза ичүүчү суу менен сугарып, унаа жуучу жайларда ичүүчү сууну пайдаланышат. Бул тууралуу вице-мэр Жамалбек Ырсалиев «Биринчи радионун» эфиринде билдирди.

«Жамгыр жаабаса, анда мэр экөөбүз көчөгө чыгып ыйласак дагы суу болбойт», - деди ал.

«Суу — бул жаратылыштын берген белеги. «Бишкек суу канал» ишканасында 300, «Бишкек жашылдандырууда» 17 скважина бар. 17 метр тереңдикке түшүрдүк, кургакчылык болгондуктан суу төмөн болуп жатат», - дейт вице-мэр.

Ошондой эле өз сөзүндө Ырсалиев сууну үнөмдүү пайдаланууга үндөдү.

Булак: NazarNews.kg