www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Япония Кыргызстандын саламаттык сактоо тармагына 7,6 млн доллар кайтарымсыз жардам бөлөт. Бул тууралуу Финансы министрлигинен билдиришти.
Маалыматка ылайык, финансы министри Алмаз Бакетаев менен Япониянын Кыргызстандагы элчиси Хидеки Года жана Эл аралык кызматташтык агенттигинин КРжагы туруктуу өкүлү Кавамото Хироюкинин катышуусунда "Бишкек шаарынын жана Чүй облусунун медициналык жабдууларын жакшыртуу" долбоору боюнча алмашуу ноталарына жана гранттык макулдашууга кол коюу аземи өттү.
Ошондой эле жолугушууга КР Саламаттыкты сактоо министри Гүлнара Баатырова жана Жогорку Кеңештин депутаты Талайбек Масабиров катышты.
Бул долбоорду ишке ашыруу үчүн Япония өкмөтү 999 млн япон йен (7,6 миллион доллар) грант берип жатат.
Долбоордун максаты - саламаттык сактоо уюмдарын жугуштуу эмес ооруларды диагностикалоо жана дарылоо үчүн медициналык жабдуулар менен камсыз кылуу.
Маалымат үчүн: Кыргызстан менен Япониянын ортосундагы дипломатиялык мамилелер 1992-жылдын 26-январында түзүлгөн. Кыргызстанда иш-чаралар башталгандан бери JICA жана Япониянын Кыргызстандагы элчилиги тарабынан 30 келишимге кол коюлган, анын ичинен учурда 4 инвестициялык долбоор жана техникалык жардамдын алкагында 2 долбоор ишке ашырылууда. Долбоорлор транспорт, саламаттыкты сактоо тармактарын жакшыртууга багытталган.
Булак: NazarNews.kg
< Предыдущий
Следующий >
Последние новости
