Каракол шаарындагы Ысык-Көл облустук акимчилигинин имаратынын алдында 4-октябрдагы парламенттик шайлоонун жыйынтыгын жокко чыгарууну талап кылып 200гө жакын адам чогулуп турат. Бул тууралуу «Азаттык»  жазды.

Маалыматка ылайык, чогулгандар менен өкмөттүн Ысык-Көл облусундагы өкүлү Балбак Түлөбаев жолугуп, бул маселе боюнча мыйзамдын чегинде чечилиши керек экенин билдирген.

Акцияга чыккандар Бишкекке чыгыш үчүн автоунааларды даярдап жатышат.

Аянтка чогулган элди күч түзүмдөрү көздөн жаш агыза турган газ, желим ок, үндүү граната ыргытып, суу чачып таркатты. Бишкектин Ала-Тоо аянтында парламенттик шайлоонун жыйынтыгын жокко чыгарууну талап кылган митинг өтүп жаткан.

Катышуучулар президенттик аппарат жана парламент жайгашкан имараттын тосмосунан секирип кирүүгө аракет кылышкан. Милиция, ОМОН кызматкерлери митингдегилерди экиге бөлүп, атайын автоунаа жана иттердин жардамы менен кубалап таркатты.

Булак: NazarNews.kg