Бүгүн, 15-май күнү, Чолпон-Ата шаарынын ат майданында Олимпиада оюндарынын коло медалынын ээси Сатымкул Жуманазаровдун элесине арналган “Run the Silk Road – Shanghai Cooperation Organization” эл аралык марафону өттү.

Иш-чарага 35 өлкөдөн 3000 жеңил атлет жана спорт ышкыбоздору катышты. Жөө күлүктөр 3, 10, 21,1 жана 42,2 чакырым аралыкка чуркашты.

Ысык-Көл IX эл аралык марафонунда кыргызстандык жубайлар Илья Тяпкин менен Мария Коробицская баш байгени утуп алды.

Марафондун (42 чакырым) жыйынтыгы боюнча алдыңкы орундардын көбүн кыргызстандыктар ээлеп, Тажикстандын бир спортчусу үчүнчү орунду алды.

Булак: NazarNews.kg