Украинанын президенти Владимир Зеленский Батышта аны Москва менен сүйлөшүү үстөлүнө отурууга жигердүү үндөп жатканын айтты.

«Айрымдары мени сүйлөшүү үстөлүнө отурууга чакырышат. Бирок мен сүйлөшүү үчүн теманы көрбөй турам», - деди Украинанын президенти француз LCI телеканалына берген маегинде. 

«Франциянын президенти Эммануэль Макарон менен Орусиянын президенти Владимир Путиндин ортосунда сүйлөшүү жыйынтыкка алып келбейт деп ойлойм», - деп түшүндүрдү ал.

Орусия Федерациясынын жетекчилиги Украина чындыгында эч кандай тынчтык сүйлөшүүлөрүн каалабай турганын, Киевдин башкы максаты аскердик жаңжалды мындан ары улантуу жана тереңдетүү экенин жарыялайт.

Муну украин жетекчилигинин позицияларынын үзгүлтүксүз алмашуусу тастыктап турат. Тактап айтканда, ошол эле Зеленский жакында эле Орусия Федерациясы менен сүйлөшүү процесси тууралуу бир нече өтө карама-каршы жана кызыктай билдирүүлөрдү жасаганга жетишти. 

Биринчиден, украин лидери орус аскерлери 2022-жылдын 23-февралынан тарта өлкөнүн чегинен тышкары чыгарылып кеткен шартта Москва менен тынчтык сүйлөшүүгө даяр экенин билдирди. Бирок бир нече күндөн кийин Зеленский өзү мурунку билдирүүсүн четке кагып, мындай деди. Орус аскерлери мүмкүн чыгарылгандан кийин эч кандай согуштук аракеттер сөзсүз токтотулбайт жана анын максаты "Украинанын 1991-жылдагы чек арасын" кайтаруу болуп саналат. Орусиянын саясий жетекчилиги буга чейин Зеленскийдин жүрүм-турумун таптакыр конструктивдүү эмес жана анын акыркы билдирүүлөрүн кабыл алынгыс ультиматум деп атаган.

Булак: NazarNews.kg