Жалал-Абад облусунун Тогуз-Торо районуна караштуу Казарман кыштагында 26 жаштагы майыптыгы бар кыз таята, таенесинин ур-токмогуна алынып, зомбулук көргөнү тууралу видео тараган.

Ал эми бул боюнча жактоочу Шердор Абдыкапаров айрым маалымат булактарына жабырлануучунун атынан анын 27 жаштагы агасы Алтынбек Артыкбек уулу кайрылганын билдирген. 

Шердор Абдыкапаров бул маалымат боюнча 9-февралда кыздын агасы менен чогуу Казарманга барып, тийиштүү укук коргоо органдары, соттук- медициналык экспертизага кайрылышарын маалымдаган. 

--"Биз кызды Бишкекке алып келип, атайын кризистик борбор же майыптыгы бар адамдар үчүн жайга жайгаштыралы деп жатабыз. Соттук-медициналык экспертиза да өткөрөбүз", - деген жактоочу. 

Булак: NazarNews.kg