Жапаров жакшы ойду айткан

Журналист: NAZARNEWS

02.03.2019, 21:41

17901

саясат

Акылбек Жапаров "ар бир облусту ар кайсы өнүккөн өлкөгө бөлүштүрүп берели"- деген пикири менен көпчүлүктүн кызуу талкуусунда калган.

Эми ошол айткан пикирин ЖМКлардын бирине төмөнкүчө түшүндүрүп берди.

"Ким эмне жардам берем десе, макул боло бериптирбиз. Көп өнүккөн мамлекет көмөк көрсөтүптүр, алардын арасында Россия 661 миллион доллар бериптир. Мисалы, Россия Чүй облусуна жардам берсе, Япония Баткен же Ысык-Көл облусуна жардам берсе, мына Европа Биримдиги 250 миллион доллар грант бериптир, ошону Нарын облусуна берсе кыйла эле көрүнүктүү иштер жасалмак. Өнүккөн мамлекеттер саламаттык сактоо, билим берүү, жол куруу тармагына жардам берет, бирок себеленип, майда болуп жыйынтык чыкпай жатат. Ошондуктан мындан ары алардын айткандарына эле көнө бербей, өзүбүз да сунуштарды берсек жакшы болчудай", — деди ал.

Демек, Жапаровдун пикири жакшы эле окшойт. Чынында эле грант бөлүндү дегенди угабыз, анан эле аткаминерлерибиз күм-жам кылып чөнтөгүнөн чыгара албай, сол жактарга жумшап элдин ырыскысына кол салбай калат беле деген үмүт да..

Булак: NazarNews.kg