Дегенибиз, бизде динге берилип, чүмкөнүп, көзүн жылтыраткан, сакалын өстүрүп сапсайткан Кудайдын эмес диндин кулу болгондор көбөйдү. Акылын эмес сакалын өстүргөн динчилдер, аялы түгүл тестиер кыздарын чүмкөнтүп жинди болуп жатышат. 

Мына диндин очогу, түзүүчүлөрү болгон арабдар Райана Барнави аттуу астронавт кызын космоско учурушту... Алар: "Чүмкөнүп үйдө отур. Билим алба, эшикке чыкпа. Хиджап кий, көзүңдөн башка жериң көрүнбөсүн, күнөөгө батасың", - дешип 7-кылымдын караңгы доорго эмес, илим-билимге, өнүүгүүгө умтулуп жатышат. 

Өкүнүчтүүсү, биздин светтик коомдо аял-эркек тең болгон заманда, ээн-эркин өскөн кыргыз кыздарын капкара чүпүрөккө чүмкөнттүп жатышат. Ойлонолу, ойгонолу...

Булак: NazarNews.kg