Өзбекстандын Ургенч шаардык соту 23-мартта түнкү клубда жарым жылаңач болуп алып, сүмөлөк кайнаткан кыздардын ишин карады.

Жалпыга маалымдоо каражаттарындагы маалыматтар боюнча, видеодогу кыздардын ичинен үчөө майда бейбашчылык менен айыпталып, 15 суткага административдик камакка алынды. Ал эми үчөөнө ушул эле берене менен 1,225 млн сум же 116 доллар айып салынган.

Жарым жылаңачтанган аялдар сүмөлөк даярдап жатканда тартылган видео социалдык түйүндөргө тараган болчу. Бул окуя Өзбекстандын Ургенч шаарындагы «Сахара» клубунда болгону белгилүү болду.
Видеодогу аялдар ушул клубда эмгектенишет.

Булак: NazarNews.kg