www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Төкмө акын Жеңишбек Жумакадыр "Президент болуп алсамбы" деген ырын коомчулукка жарыялады.
Президент болуп алсамбы ⠀
Эмнем кем элден, ойлонуп жатам акырын,
Күч десең күч бар, баарына жетет акылым.
Трамптан сулуу, Путинден жашмын кычырап,
Токаев менен Шавкаттан ылдам басыгым.
⠀
Чындыкты сүйөм, калп сүйлөп батпайм күнөөгө,
Табылар акча үйүмдү койсом күрөөгө.
Жетимиш пайыз алаарым ачык себеби,
Тогузу колдоп, жакпасым билем бирөөнө.
⠀
Мен болсом ажо баарыңдын жетем баркыңа,
Нөл пайыз кылып кредит берем калкыма.
Беш жылда эле өнүккөн өлкө аталып,
Кайрылып келет Үзөңгү- Кууш, Каркыра.
⠀
Нарынды, Ошту, Дубайдан артык шаар кылам,
Төө Ашуу бийик түбүнөн казып алдырам.
Баткенден Көлгө кыйналбай жеңил жеткенге,
Асфальттын баарын алтындан каптап салдырам.
⠀
Кумтөрдү толук алабыз артка кайырып,
Пенсия жүз миң карылар жашайт багылып.
Кичине четин кыйытып койдум оюмдун,
Шайлансам дагы угасың эчен жаңылык.
⠀
Кымбат так турса, ойлонуп эмне арзанды,
Бүт эле жүрөт кошулуп мен да барсамбы.
Аялым макул, а силер кандай дейсиңер,
Бош жатпай үйдө президент болуп алсамбы.
Булак: NazarNews.org
< Предыдущий
Последние новости
