www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
"Чеченстандын башчысы Рамзан Кадыров Украинадагы согушка барган ар бир ыктыярчыга 300 миң рубль төлөөгө убада берди" деп жазды "Агентство" басылмасы.
Каалоочуларга коюлган талаптар минималдуу – алар 50 жашка чыга элек “ден соолугу чың” эркектер болушу керек. Алар Украинага мэриянын имаратында жайгашкан Грозныйдагы ыктыярчыларды кабыл алуу борбору аркылуу жөнөтүлөт. Алгач 10 күндүк даярдыктан өтүп, андан кийин согушка жөнөп кетет. Басылма алар менен эч кандай келишим болбой турганын жазган.
"Агентствонун" жазганына караганда, Телеграмм-каналдарда согушка барууну каалагандардын машыгып жаткан видеолору жарыяланды. Алардын бири 47 жаштагы Тамбов Юрий Татаринцев. Соттук чечимдердин базасы боюнча, ал мурда адам өлтүрүүгө, адам уурдоого жана курал сактоого айыпталып соттолгон.
Март айынын ортосунда Рамзан Кадыров Грозныйдан Украинадагы согушка алгачкы миң ыктыярчы кеткенин жарыялаган.
Кремлдин көздөй кишиси саналган Кадыровдун дарегине адам укугун бузуу, кыйноо, адам өлтүрүү фактылары боюнча көптөгөн айыптоолор айтылып келет. Чеченстанда бийликти сындаган укук коргоочу, журналист жана жөнөкөй жарандар куугунтукталып, коркутуп-үркүтүүгө кабылып, республика башчысынан кечирим сураган учурлар болгон. Мындан улам чечен лидери Батыштын бир нече санкцияларына илинген.
Булак: NazarNews.kg
< Предыдущий
Следующий >
Последние новости
