Аял жакшы, эр жакшы демекчи, Садыр Нургожоевичтин ийгиликтерине жубайынын салымы чоң. Мындай пикирин Жусупбек Кадырбеков өзүнүн Facebook баракчасына жазып чыкты.

Садыр Нургожоевичти сындырууга душмандардын күчү жетпей, анын жубайы Айгүл Асанбаеваны каралаганга өтүштү. Биздин ханайымыбызга карата айтылып жаткан сөздөр жалган.

Биз Айгүл айымды жакшы билебиз. Токто мүнөзү, сабырдуулугу, кең пейилдиги акылмандыгы менен көпчүлүк айымдардан айырмаланып, Кыргызстандын алдыңкы айымдарынын катарын толуктайт .

Мээримдүүлүгү, жөнөкөйлүгү жана мыкты адамгерчилиги менен мурдагы ханайымдардан айырмаланып турат. Аял жакшы, эр жакшы демекчи, Садыр Нургожоевичтин ийгиликтерине жубайынын салымы чоң. Ыймандуу!

Аллахым Айгүл жеңебизге дагы оор сыноолорду берип сынады. Курманжан энебиздей кайраттуулугу менен бардык сыноолорду көтөрдү. Садыр Нургожоевич абакта жатканда Мекенчилдерге жакшы сөзүн айтып, ар биринин эмгегин баалап ыраазычылык билдирип, канчалаган мекенчилдерибизге экинчи апасындай болуп калды. Мен Мекенчилдердин ичинде жүргөн мекенчил катары баарын жакшы билем. Айгүл жеңени экинчи эле апамдай сыйлайм. Бул айымга сыйым жогору.

Айгүл жеңе эч нерсеге киришпейт. Каралоону токтоткула. Айгүл айымды көрө албагандар көп.

Бирок каралап жаткандар такталып, аныкталып жоопко тартылышын талап кылабыз. Экинчи апабыздай болуп калган Айгүл жеңеге жалган жалаа жапканына биз жол бербейбиз.

Акылга сыйбаган жалган маалыматтарды окуп, адамдардын кара өзгөйлүгүнө жинибиз келип турат.

Бирок белгилүү ал фейк кимдики экени. Айгүл айымдан үлгү алгыла, жаман болбойсуңар», - деп кошумчалаган Кадырбеков.

Булак: NazarNews.kg