Аялзатын ур-токмокко алсаң, Бишкекке мэр болосуң

Журналист: АЗИЗБЕК КЕЛДИБЕКОВ

10.02.2021, 20:40

18835

кыска-нуска

Балбак Түлөбаевдин жубайы алтын балык кармап алат экен, анан тилеген тилегин сурайт:

- Балбакты Ысык-Көлгө гүбүрнатыр кыл! - деп. Караса эле Балбак балбалаңдап Ысык-Көлгө гүбүрнатыр. Бир ай өтпөй октябрь башаламандыгы чыгып, Балбак Түлөбаевди көчүккө тээп кубалап чыгышат.

Балбак Түлөбаевдин жубайы экинчи тилеген тилегин сурайт:

- Балбакты Бишкекке мэр кыл! - деп. Караса эле Балбак балбалаңдап Бишкекке мэр. Эки ай өтпөй жаңы премьер Балбак Түлөбаевди көчүккө тээп кубалап чыгат.

Балбак Түлөбаев үйүнө келип буркурап ыйлайт:

- Сенин алтын балыгың 1-2 айга эле кызматка койот экен. Тигине аялзатын ур-токмокко алгандар ордумду тартып алды, - деп.

Балбак Түлөбаевдин жубайы үчүнчү тилеген тилегин сурайт:

- Балбакты Бишкекке мэр кыл! - деп. Караса эле Балбак аялзатына «кызыл камчы» Бишкек мэри Эрмекке окшоп аялзатын ур-токмокко алган мыкаачыга айланып, жубайын сабап кириптир.

Азизбек КЕЛДИБЕКОВ, NazarNews.kg