www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Активист Умай Арыкова саламаттыкты сактоо жана социалдык өнүктүрүү министри Алымкадыр Бейшеналиевге каршы Башкы прокуратурага арыз жазды. Бул тууралуу пикирин ал Twitterдеги баракчасына жарыялады.
Арыкова Башкы прокуратурадан бүгүн, 16-апрелде пресс-конференция учурунда уу коргошунду коронавируска каршы дары катары көрсөткөн министрдин аракетине баа берүү керектигин өтүнгөн. Анда ал уу коргошундун өтө кооптуу экенин жана мындай мамиле расмий протоколдордо жок экендигин эске салгысы келген.
«Анын иш-аракеттери сынга туруштук бере албайт жана бул анын компетенттүүлүгүнө шек келтирет. Бүткүл дүйнөнү коронавирус пандемиясы басып алганына бир жылдан ашты, ал эми Кыргыз өлкөсү пандемиянын эң оор чегинен өткөн өлкөлөрдүн бири.
Министрибиз текшерилбеген элдик ыкмаларды жайылтуу менен өлкөнүн бүтүндөй калкын өлүм коркунучуна алып келип жатат. Мындай кооптуу вирустук инфекцияны дарылоого уу коргошунду колдонууга болбойт, ошондуктан министр жоопко тартылышы керек», - деп жазган Арыкова.
Ошондой эле, ал бүгүн арызын тиешелүү мекемеге жеткире албай калганын жана дүйшөмбү күнү арыз жеткириле турганын жазган.
Айтымында, саламаттыкты сактоо жана социалдык өнүктүрүү министри Алымкадыр Бейшеналиевдин иш-аракеттери жана билдирүүлөрү өлкө калкынын коопсуздугуна шек келтирет.
Булак: NazarNews.kg
< Предыдущий
Следующий >
Последние новости
