Алматы аэропорту митингчилерден толугу менен тазаланды. Бул тууралуу Алматынын акиминин орун басары Ержан Бабакумаров билдирди, деп маалымдайт KAZ.NUR.KZ.

"Шаарда атайын операция жүргүзүлдү. Аэропорт бошотулду. Ал толук кандуу иштөөгө өтүп жатат", - деди вице-мэр.

Буга чейин президент Токаев демонстранттар Алматы аэропортун жана беш учакты басып алганын билдирген. Ошондой эле бүгүн Казакстандын бардык аймактарында өзгөчө кырдаал жарыяланып, УКМКнын башчысы Карим Масимов кызматтан кетти.