Кечээ, 3-июлдагы мурдагы президент Алмаз Атамбаевдин митингинен кийин социалдык тармактарда ар кандай пикирлер айтылып, Атамбаев коштоп келген “жаш элиталар” күлкүгө калды. Саясат таануучу Алмазбек Акматалиев, митингде сүйлөгөн “жаш элиталарды” Атамбаевдин өзүнө окшоштурган.

--Кечээги митингден кийинки ойлор: АША өзү, Мээрбек, жанагы жаш жигит жашып кеткен, Алга, байкасаңар-баары псиxологиялык жактан бир окшош типаждар да. Кыргызда жакшы сөз бар: издешпей табышкандар деген! Булар бири бирине муктаж, биринин буркан шаркан сөздөрү менен экинчиси азыктанат, бири бирин күүлөйт, шыктандырат Бул баягы Кашпировскийдин эле командасындай да..., кичинеден бири бирин ишендирип, арбап, анан “групповой” транска кирип кетишет! Бир жакшы жери, турмуш мындайларды бат эле ал транстан чыгарып, кайра жерге алып келип коет.. Ошого жакындап калышты өзүлөрү деле, буюрса, - деп жазган Алмазбек Акматалиев.

 Булак: NazarNews.kg