"Эми анын, ошондой эле Садыр Жапаровдун акталып чыгышына жол ачылды".

Мындай пикирин Кыргызстандын алгачкы президенти Аскар Акаев "Азия news" гезитине берген маегинде билдирди.

«Өмүрбек Текебаев Кыргызстандагы эң тажрыйбалуу депутат» десем жаңылбасам керек. Өлкө парламентинин ишинде ал дайыма өзүнүн активдүүлүгүн көрсөтүп келген жана мыйзам чыгарууда олуттуу салым кошо алды. Акыркы жылдары саясый куугунттукка да туш болду. Эми анын, ошондой эле Садыр Жапаровдун акталып чыгышына жол ачылганын айтсак болот. Феликс Кулов менен тилекке каршы, эч байланышым жок. Бирок, жакында анын «Акаев өлкөгө кайтып келиши керек» деген пикирин угуп калдым. Сиздин суроодон пайдаланып, Феликс Шаршенбаевичке ыраазычылык билдирем жана жакшылык каалайм, - деп айтат, Акаев аталган басылмага берген маегинде.