Садыр Жапаров камакта кезде Камчыбек Ташиев бир курдай интервью бергени эсибизде. “Садыр досумдун ордуна мен отуруп берейинчи?” деп көзүнө жаш ала бүлкүлдөп ыйлаган. Мунун өзү чыныгы достуктун далилин ички дүйнөң менен образдуу көрсөтүү эле. Биз эмнеге бул фактыны эстеп атабыз? Аз күн мурун Өмүрбек Бабанов камалса, кан досу Руслан Казакбаев ыйламак турсун бир ооз жылуу сөзүн айтпай койду. Эмне үчүн?

Себеби, ал тышкы иштер министри болуп отурат. Досунан креслосу бийик экенин көрсөттү. “Кыңк” этсе мансабынан кол жууп, көчөгө тебилип каларын эске алдыбы? Туй ата! Бул жалган дүйнөдө кызмат, байлык – колдун кири, ал эми кыйын кезеңде жакын адамыңа карата туруктуу мамилени көрсөтүүдөн өткөн эрдик бар бекен?!

Булак: Азия News гезити