АКШнын чыныгы президенти Жилл Байден, Жозеф Байдендин аялы. Бул туурасында Конгресстин мурдагы кызматкери, геосаясат боюнча аналитик жана баяндамачы Брэндон Вайхерт 19FortyFive деп аталган ресурстагы макаласында айтып берген. Материалды ИноСМИжарыялады.

Анда күйөөсүнүн алсыздыгын колдонуп, Жилл өзүнүн кызыкчылыктарын орундатуу үчүн бүткүл өлкөнү башкарып келери белгиленген. Вайхерт бул факт америкалыктарды чочутушу мүмкүндүгүн айткан.

"Чыныгы бийлик анын колунда болушу ыктымал. Мындай алып караганда, аны Америкадагы биринчи аял-президент деп атоого болот", — деп жазган аналитик.

Автор Байдендин администрациясынын маалымат булагы биринчи айым күйөөсүнөн калбай дайыма жанында жүрөрүн айтканына токтолгон.

"Ал — Ак үйдөгү кызматкерлер ортосундагы байланыштырып турган, көйгөйлөр чыкканда күйөөсүнүн ага карата пикирин айтуусун талап кылган негизги адам", — деп белгилеген Вайхерт.

Чындыгында күйөөсүнүн алсыздыгын пайдаланып, буйруктарды андан жашыраак аялы берери белгиленди.

"Байдендин администрациясындагы бийликтин башка борборлору тууралуу унуткула (Обама же Клинтондорго ыктагандарга кайрылган). Бийлик азыр Жилл Байдендин, Америкада шайланган биринчи президент аялдын колунда. Бул, албетте, силерди бир топ чочутат", — деген Вайхерт.

Аналитик АКШнын бир дагы башчысынын жубайы мындай таасирдүү болбогонун белгиледи.

"Эмне үчүн баскан-турганы, ойлонгону начарлаган Жозеф Байденди жетекчи катары колдоону улантып жатышат? Бул доктор Жиллдин жылдыздуу сааты да. Чечимдерди айтпаганы менен маектешүүлөрдүн нугун буруп, картанын ага кандай чыгышы керек болсо, ошондой таратууга көз салып турат. Жозеф Байдендин ден соолугуна камтама болгондор үй-бүлөсү эмнеге мындай мамиле кылышарын сурашат. Жооп бирөө гана: биринчи айымдын каалагандарын аткарыш керек", — деп белгилеген ал.

Баяндамачы биринчи айым штурвалды кармап өлкөнү башкарып гана чектелбестен, "Байдендер синдикатына мындан аркы кирешеге, таасирдүү чет элдик оюнчулардан келчү акчага кепилдик бергенин" кошумчалады.

Булак: NazarNews.kg