Балбак Түлөбаев: "Балыкчынын мэри бир жумадан бери жок"

Журналист: NAZARNEWS

28.09.2022, 11:21

20233

саясат

Балыкчы шаарынын мэрин жоготуп алдык. Бул тууралуу бүгүн, 28-сентябрда, Жогорку Кеңештин жыйынында Балбак Түлөбаев билдирди.

Буга чейин социалдык тармакта Азамат Марипов, "мактаган Бакыт Шаршеевиңер, Балыкчынын мэрлигин таштап качып кетиптир. Анын айтуусу боюнча Балыкчынын казынасында акча жок имиш... Албетте! Аэропортто тиягынан биягынан келген миллиондорду көргөн адамга, Балыкчынын бюджетине алымсынмак беле?

Аэропортко директор болуп турган учурунда, жалан Шаршеев мырзанын мурдун тарта албаган жердештери VIP залдан учуп, социалдык тармактан "Бакыт мыкты" таризде пост жазып калышчу эле... Балыкчы мэриясына келгенде эле, бир нече миллион сомго, канцелярдык буюм, стол-стул алам деп Фейсбукта уят болду. Байкуш ал максатына да жетпей калды. Бакыт Шаршеев мырза, Балыкчынын мэриясыны таштап качкандан бери, мэрия кызматкерлери билген намазын окуп жатыптыр. Эхх... Бакыт мырза! Аэропорттогу миллиондорду көрүп, алкымыңыз аябай чоңойгон тура... Өзүңүздүн күчтүү менеджер экениңизди көрсөтүп, казынада акча аз болсо дагы, изденип инвестиция тартып, Балыкчыны гүлдөтсөңүз болот беле? - деп маалымат билдирген эле.

Балбак Түлөбаев мындан улам, Балыкчы шаарына башка мэр дайындоону сунуштады.

Эске салсак, Бакыт Шаршеев Балыкчы шаарынын мэри болуп ушул жылдын 15-июлунда дайындалган.

Булак: NazarNews.kg