Баткен: Шектүүнү кыйноо фактысы тастыкталган эмес

Журналист: NAZARNEWS

27.12.2018, 2:54

31389

кылмыш жана кырсык

Баткен облусунун прокурорунун өлүмүнө шектүүнү кыйнап маалымат алуу боюнча пикирлер чындыкка дал келбейт. Бул тууралуу Башкы прокуратуранын ыкчам-издөө ишмердиги жана тергөөнү көзөмөлдөө боюнча башкармалыгынын улук прокурору Урмат Карыпбеков маалымат жыйыны маалында билдирди.

-Массалык маалымат каражаттарында прокурордун өлүмүнө шектүүнү күч колдонуп суракка алуу болуп жатканы тууралуу маалымат чыкканда алар текшерүү жүргүзүп бул факт тастыкталган эмес, - деди ал.

Белгилей кетсек, Баткен облусунун прокурору Анарбай Мамажакыповдун жансыз денеси 2018-жылдын 18-ноябрында Төрт-Күл суу сактагычынын жанында жол жээгинде табылган. Анын денесинде октун, бычактын тактары болгон. Прокурордун өлүмүнө шектелип Баткен шаардык мэриясынын Капиталдык курулуш башкармалыгынын жетекчиси кармалган.

Кармалган жаран Ош ички иштер башкармалыгынын тергөө абагына 2 айга камалган.

Учурда тергөө иштери жүрүүдө.

Булак: NazarNews.kg