www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Окуучулардын массалык мушташы боюнча окуяны териштирүү иштерин ыйгарым укуктуу өкүл көзөмөлгө алды. Бул тууралуу өкүлчүлүктүн маалымат кызматынан кабарлашты.
"Баткен районунун Кара-Бак айылындагы Бото Нарматов атындагы орто мектебиндеги окуучулардын массалык мушташы боюнча окуяны өкмөттүн Баткен облусундагы ыйгарым укуктуу өкүлү Өмүрбек Суваналиев жеке көзөмөлүнө алды.
Ыйгарым укуктуу өкүл бул окуя боюнча ыйгарым укуктуу өкүлдүн орун басары Эрлан Сапарбаевге атайын комиссия түзүп, окуянын чоо-жайын дыкат иликтөөнү милдеттендирди.
Ошондой эле окуянын келип чыгуу себептерин аныктоо, коомчулукта, өзгөчө мектеп окуучуларынын арасында урууларга бөлүнүп, топтошуп мушташуу сыяктуу терс көрүнүштөргө жол бербөө, алдын алуу иш-чараларын жүргүзүү боюнча тийиштүү жетекчилерге тапшырмаларды берди", - деп айтылат маалыматта.
Окуя кечээ, 15-апрелде болжол менен саат 13:30 чамасында болгон.
Бул факты РИИБдин Кылмыштардын жана жоруктардын бирдиктүү реестрине катталып, териштирүү иштери башталган.
Окуядан 4 окуучу жабыркап, Баткен облустук ооруканасына кайрылган. Алардын экөөнө медициналык жардам көрсөтүлүп, үйүнө жиберилген. Экөө ооруканага жаткырылган. Учурда төртөөнүн тең абалы канааттандырарлык.
Булак: NazarNews.kg
< Предыдущий
Следующий >
Последние новости
