Кытайлык демограф 17-январда өлкөнүн 2022-жылга карата жалпы калкынын маалыматы жарыялангандан кийин, Кытайдагы калктын терс өсүшү узак мөөнөттүү төмөн төрөлүү жана жашоонун кымбаттыгы менен байланыштуу экенин айтты. Мындай маалыматты NazarNews маалымат агенттигине "CCTV plus" агенттиги билдирди.

Кытайдын Жэньминь университетинин директорунун орун басары, демограф Ду Пэн Кытайдын глобалдык телекөрсөтүү тармагына (CGTN) берген маегинде калктын саныны азайышы дүйнөнүн башка өлкөлөрү да туш болгон көйгөйлөрдү алып келээрин билдирди.

"Бүгүнкү күндө дүйнө жүзү боюнча 60тан ашык мамлекетте калктын терс өсүшү байкалууда. Демек, баарыбыз бирдей көйгөйлөргө туш болуп жатабыз. Биринчиси - калктын улгайып баратканы. Экинчиси - жумушчу күчүнүн кыскарышы. Ал эми үчүнчүдөн, келечекте медициналык жардамдын жана узак мөөнөттүү кам көрүүнүн кымбатташы мүмкүн", - деди ал.

Ду Пе салыктарды кыскартуу, жеткиликтүү турак-жай, эмгек шартын жакшыртуу жана эмгек мигранттарынын эбегейсиз санын өз убагында колдоо калктын табигый өсүшүнүн төмөндөө тенденциясын жеңилдетүүгө жардам берет деп эсептейт.

"Демек, биз аларды шыктандыруу үчүн жаңы системаны, жаңы институттарды түзө алабызбы, аларга өмүр бою билим алуу мүмкүнчүлүгүн бере алабызбы, же иштөө мүмкүнчүлүгү, коомдук турмушка катышуу жана волонтердук иштер же ушул сыяктуу нерселер... Учурдагы пенсиядан кийинки саясат жаңы жумушка орношууну каалагандар үчүн жагымдуу эмес. Ошондуктан, жумушчу күчүнүн кыскарышына каршы туруу үчүн тең салмактуулукту табуу үчүн аны өзгөртүү керек», - деди демограф.

Демограф ошондой эле калктын терс өсүшү өлкөнүн калкы карып бараткандыктан, узак мөөнөттүү тенденция бойдон кала берерин, бул Кытайды өзүнүн саясатын жана өнүгүү моделин кайра карап чыгууга мажбурлай турганын белгиледи.

«Өнүгүү моделин өзгөртүшүбүз керек, анткени бизде жумушчу күч азайып баратат, бирок бизде билим деңгээли бир топ жогору. Экономикалык өсүштү колдоо үчүн жумушчу күчүнүн санына гана көңүл бурбастан, билим берүү дивидендинин мындан аркы өнүгүү үчүн өз ролун ойноого кантип мүмкүнчүлүк берүү жөнүндө ойлонушубуз керек», - деп кошумчалады Ду Пэн.

Үй-бүлөлөрдү көп балалуу болууга үндөөгө келсек, демограф эмгек акыны башкаруу чаралары, атүгүл салыктарды кыскартуу жаш жубайларга карьерасын өнүктүрүү менен балдарды тарбиялоонун ортосунда тең салмактуулукту сактоого жардам берерин айтты.

Булак: NazarNews.kg